خیالات

غزل عدو کے سبھی  پیچ و خم   جانتے ہیں جو سب نے کیا ہے ستم جانتے ہیں ہیں خوشیاں ہماری عیاں ان پہ لیکن ہمارے غموں کو وہ کم   جانتے   ہیں نہ ہرگز کرو پارسائی کے دعوے تمہاری خطاؤں کو ہم جانتے   ہیں میری حالتوں سے ہیں اغیار واقف مگر میرے احباب کم جانتے ہیں بچھڑنےکا دلبر سے عالم نہ پوچھو قیامت کا منظر تو ہم جانتے ہیں زمانہ ہے بس اس کی باتوں سے واقف اشاروں کو اس کے توہم جانتے ہیں میں کن الجھنوں میں ابھی مبتلا ہوں یہ بس میرے اہلِ کرم جانتے ہیں ہیں پرویز کی خصلتیں سب پہ ظاہر مگر لوگ   اخترؔ کو کم   جانتے   ہیں پرویز اخترؔ خان

غزل بے وفا کہہ کے مہربانی کی بعد کہنے کے نظر ثانی کی بے وفا کودے کے دل اس نے رنگ کر لی ہے کم جوانی کی ایک مدت سے رہ کے صحرا میں ختم کر لی ہے پیاس پانی کی دل کو جس نے لگا لیا اس نے اشک پی پی کے زندگانی کی جانے کیا ہو گیا ہے دریا کو نہ رہا شوق اب روانی کی کر کے وعدہ وہ نہیں بھولا جینا آتا نہیں ہے یعنی کی راستوں پر جمے رہو اخترؔ مت کرو چاہ کامرانی کی پرویز اخترؔ خان

غزل اس نے رخ سے ہٹا کے بالوں کو کر دیا مضطرب اجالوں کو لہو ٹپکا کے خشک آنکھوں سے معتبر کر لیا ہے نالوں کو اس نے اثبات میں ہلا کےسر کر دیا مستند حوالوں کو غیر سے محو گفتگو ہوکر زخم دیتا رہا خیالوں کو گامزن ہوں میں جانب منزل کبھی دیکھا ہی نہیں چھالوں کو تم نے پرویز اس میں کیا دیکھا رد جو کرتے ہو با کمالوں کو پرویز اخترؔ خان

تدریسی و آموزشی عمل میں امدادی اشیا کی اہمیت           طلباکی پوشیدہ صلاحیتوں کی تشخیص کرنا اسے ہر ممکن فروغ دینا اورچمکانا معلم کا اولین فریضہ ہوتا ہے۔ سماج اور معاشرے کا مستقبل  کمرۂ جماعت میں تشکیل پاتا ہے اور کمرہ جماعت میں مؤثر، خوش گوار،دلچسپ اور پُرلطف تدریس کے لیے جدید تدریسی و آموزشی  اشیاکا مناسب اور بر حل استعمال انتہائی ضروری ہے۔ جس طرح ایک فوجی اپنے جدید جنگی آلات کے ساتھ میدان جنگ میں جاتا ہے اوراپنی پوری طاقت کے ساتھ دشمنوں کا مقابلہ کرتا ہے اورفتح کے جھنڈے بلند کرتا ہے جشن مناتا ہے۔ بالکل اسی طرح اساتذہ کو بھی میں پوری تیاری کے ساتھ ساتھ جدید تدریسی و آموزشی  اشیا کے ساتھ  کمرۂ جماعت  جانا چاہیے تبھی وہ اپنے عظیم مقاصد میں کامیاب ہو پائیں گے۔دیگر مضامین کی طرح زبان کی تدریس میں بھی تدریسی و آموزشی  اشیا کو بڑی اہمیت ہے۔اس کے مناسب اور بر محل استعمال سے ہی کمرۂ جماعت میں    طلبا  دلچسپی سے سیکھتے ہیں،یہی طریقہ تدریس سےان کے ذہنوں میں دیر پا نقوش چھوڑتے ہیں ،اس سے نہ صرف وقت کی بچت ہوتی ہے...

رشتوں کو خوش گوار بنانےمیں سوالوں کا کردار انتہائی اہم                صدیوں کے طویل سفر کے بعد، بتدریج ترقی کے مراحل سےگزرتا ہواسماج کا جو ڈھانچہ آج ہمارے سامنے   موجودہے وہ انتہائی پیچیدہ اور گنجلک ہے۔ہماری تہذیبی وسماجی قدریں زمان و مکان کے مطابق مسلسل بدلتی   رہتی ہیں بلکہ حیرت   کی بات تو یہ ہےکہ ایک ہی وقت میں مختلف علاقوں میں   یہ قدریں مختلف   بھی ہوتی ہیں۔   بلکہ انتہا تو یہ ہےکہ کوئی ایک عمل کسی علاقے   میں بہت اچھا مانا جاتا ہے اور ٹھیک اسی وقت وہی عمل دوسرے علاقے میں غیر مہذب اور قابل جرم سمجھا جاتا ہے۔حال ہی میں ہمارے ملک میں  دفعہ377  پر آیا فیصلہ اس کی تازہ   ترین اور زندہ مثال ہے۔بہر حال   ان پیچیدگیوں کے باوجود بھی فطرت کے کچھ بنیادی اصول اور تقاضے ہیں جو ہر دورمیں ہر علاقہ میں ایک سے ہوتے ہیں زمانے کی   بے شمار کروٹوں اور تبدیلیوں کے با وجود بھی   ازل سے فطرت کے وہ قانون   نہ کبھی بدلے ہیں اور نہ رہتی دنیا تک کبھی بدلیں گے۔دنیا کا ہر شخص خوشی   کا متلاشی ہو...